Taperseando ata a madrugada!

Xeniais! Colleunos a madrugada do a gusto que estabamos. Un grupo divertido dende o primeiro ao último momento, e cunha anfitrioa de luxo. Moitas grazas a todas!

Xoguetes n'As Marías & xogos con ritmo Electrolatino!

Sábado completo dos que desfruto intensamente: Tuppersex no Bar As Marías, en boa compañía de todas as mulleres diversas que asistiron, moitísimas grazas a todas! E ao rematar, despois dunha chamada sorpresa, un segundo Tuppersex con este grupo de mulleres divertidísimas, curiosas, acolledoras, participativas... Tuppersex ElectroLatino!

Un gusto, e moitísima sorte María na túa nova aventura :)

Tuppersex en As Marías Bar!

Estivemos debuxando na famosa pizarra de As Marías para que saibades deste Tuppersex de verán, con espazo reservado, o noso Outlet en súper rebaixas, un trato de luxo e terraciña onde continuar a noite. Quen da máis?

Este sábado 14 de Setembro, convidadísim@s estades!

Evento no facebook: https://www.facebook.com/events/431625066956450/

Despedida en Ordes

Fotiño recén sacada, posando como Aventureiras do Punto G. Un grupo majísimo! Grazas a todas, á súper anfitriona Diana, e a Fani moita moita sorte na súa aventura próxima!

Entrevista en Sermos Galiza

Con esta profesionalidade e bo facer, da gusto que a entrevisten a unha! E como algunhas preguntastes como podedes facer máis grande a imaxe, déixovos unha notiña para lela con gusto: co cursor sobre a imaxe, pinchade co botón dereito e seleccionade "abrir noutra pestana". Sobre a imaxe na pestana nova veredes que o cursor se transforma nunha lupa. Só teredes que pinchar co botón esquerdo para aumentala, e desprazarvos coas barras dos laterais para ler a entrevista completa. Que a desfrutedes!

O libro de Los Placeres de Lola volta á Lila

Despois de que nos preguntarades tanto a min nos tuppersex, como a Patri na Lila polo Libro de Los Placeres de Lola, exemplares limitados viaxan á libraría Lila-Ciranda antes da re-edición, e queremos celebralo este xoves 23 conversando e xogueteando!

"Los Placeres de Lola" está concebido como un viaje revelador y didáctico por la naturaleza de la sexualidad femenina desde la palabra hasta el éxtasis. Raquel Traba y Beatriz Higón te muestran las claves para que experimentes con todas las partes de tu cuerpo y te animan a que tomes las riendas de tu placer y aprendas a decir lo que te apetece en cada momento sin tapujos. Una obra dirigida a todas aquellas mujeres que crecieron mitificando el amor, idolatrando el orgasmo.

Ha llegado el momento de usar la palabra y subir la temperatura de tu dormitorio, abandonar los tópicos sobre el sexo e innovar.

Xoguetes de Maio: Naturcup

¿A qué huelen las nubes?

As nubes dan para dicir moitas cousas, moitas delas poéticas. Igual a resposta máis "real" á pregunta sería: a nubes.

E a regra, a que ule? Aquí tamén valen respostas reais: a regra; a sangue.

Aposto a que moitas tivemos algunha conversa co tampón do momento, na intimidade do baño, e non lle dixemos cousas bonitas... Pois é, porque non tratan o noso corpo de forma bonita: provócannos sequidade absorbendo a humidade propia da nosa vaxina; deixan restos de algodón dentro de nós; inclúen compostos tóxicos; e máis... Son desproporcionadamente caros, ao nivel dun artigo de luxo, e teñen un forte impacto medioambiental.

Unha das alternativas: a Naturcup. 

Unha copa menstrual reutilizable fabricada nunha cooperativa de mulleres. Está feita de silicona médica e, como a Mooncup, chegou a Los Placeres de Lola por militancia; polo compromiso co respecto ao noso corpo.

Recolle o fluxo en lugar de absorbelo, non ten perdas, é fácil de usar e adáptase perfectamente no interior da nosa vaxina. Canto dura? Anos! Podes fervela entre períodos para esterilizala, e tela gardada na súa bolsiña ata a próxima. Canto custa? 30€.

Trae instrucións (é moi sinxela!) e podes entrar no banner da dereita para acceder á tenda online, e ler máis en bolas&salud > menstruación > Naturcup sobre as súas características e uso.

Como nota: as copas menstruais apareceron en 1930, como as tampóns, pero o feito de que usalas implique maior contacto co noso sangue e xenitalidade, e menos consumo e beneficio para as grandes industrias, fixo que fosen os tampóns os que adquirisen a fama e os ocos nos supermercados e farmacias. Pero dende hai uns anos están comezando a ocupar o lugar que merecen, e se preguntas ás mulleres do teu entorno é probable que descubras que algunha a usa. Pregunta, pregunta....

Para que me coñezas un pouquiño...

Chámome Mai, son Psicóloga especializada en xénero e sexualidade, con experiencia no traballo con grupos de mulleres. Levo metendo o nariz de nena curiosa nas nosas fortalezas, praceres, risas e rebeldías dende que teño memoria... E sigo! 

Dixéronnos que a curiosidade matou ás gatas... Eu digo que as gatas non voltaron porque se aburrían, e están danzando polos tellados.

Se a túa curiosidade te trae a un tuppersex... Será un pracer compartilo contigo!